RÉS LA KAZ KAFRINE

Léana Gaspal ( @lelevoun )

Dopi lo 4 sèktanm ziska lo 10 oktob 2026

Vérnisaz lo vandredi 4 sèktanm apartir 18ér ziska 20ér

Lao sinpol, dann mon ti kaz an bwa sou tol, dann zardin néna tizane èk in konplé Lacoste dési la kord
Mémé dan la sanm i sort fé priyér èk saplé, épi na mon ti sér la po fé playback dési Tik Tok. Mon péi lé
ankor malizé akoz sistinm kolonyalis la byin fagoté, nout pèp kinm tout i tyinbo po rékipér tout sat la
vol anou, tout sat la kapar anou. « Rès la kaz kafrine » i tonm in référans lo morso séga nout tout
réyoné i koné, li koz dési diférans madam èk lo zonm, koman i domann anou rès také bvin kasvèt dan
la kaz. Mon ti sér i apèl Inès, èk son bann kopine banna i kasyèt pa. Pli méyér ankor i fé in ta dézord, li
roprézant in zénès kréol i tyinbo po zot libérté, ousa la kour konm parking Jumbo i tonm konm in
landrwa la rézistans. Amwin, mi tir azot an foto po may èk mon bann prop foto larsiv, mi vé fagot in
mazinasyon po mon pèp son boubou roprézantasyon kolon i kol si nou.

Léana sé in tantine i sort léo sinpol, wyinn giny diplom Bozar lo Por. Larsiv i tonm zarboutan son
travay, li may in bonpé manir fé, késwa tir foto, ékri, travay la tér, filmé, soman sat li profér sé pinn
son moun. Néna lanvi fagot in mazinasyon, in lomaz po lo mor èk lo vivan, po nout pèp réyoné. Néna lanvi rakont in nouvo rési i di po vréman, nout manir viv, nout manir pansé, sat la pa rann égzotik pa
folklorik.

Photo : @lindoustrie
Typo titre : @kni.art